Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-komandanti i Zonës Operative të Llapit, Rrustem Mustafa është deklaruar për herë të parë pas ftesës nga Gjykata Speciale për të dëshmuar në seancën e 14 janarit. Remi ka thënë që është i bindur që gjatë luftës në Kosovë nuk ka pasur krime të kryera dhe është optimist që nga Gjykata Speciale eprorët e Ushtrisë Çlirimtare të Kosovës do të dalin faqebardhë. Remi po ashtu ka thënë që ai vetë e ka përkrahur formimin e kësaj Gjykate dhe se tash është koha që të mbyllen kapitujt e të kaluarës. “Unë jam nga ata qe kam përkrahur Gjykatën Ndërkombëtare, ne duhet të mbyllim kapitullin e viteve të kaluara. Jam i sigurt se gjatë kohës së luftës në Kosovë, nuk ka krime të kryera që mund të përkufizohen si krime lufte, fjalët dhe propaganda sugjestive si dhe percepcionet e krijuara për UÇK-në e di se do të rrëzohen dhe ne edhe individualisht, eprorët e UÇK-së do të dalin faqebardhë”, ka shkruar Remi.
