Ministri Tahiri shprehet i bindur se viti 2019 do të jetë vit që do të shënoj progres në luftimin e korrupsionit

Ministri i Drejtësisë, Abelard Tahiri, i cili po merr pjesë në tryezën “Java Kundër Korrupsionit”, ka thënë se është i kënaqur që brenda vitit kjo ministri ka arritur të miratoj 13 ligje. Sipas tij, tashmë janë rritur ndjeshëm edhe vendimet për veprat që lidhen me krimin e organizuar. Tahiri është shprehur i bindur se viti 2019 do të jetë vit i progresit të luftës kundër korrupsionit, pasi që sipas tij, 162 gjyqtarë të rinj i janë shtuar Kosovës. “Një prej problemeve ka qenë çështje e abuzimit të pozitave brenda institucioneve dhe besoj që kemi arritur me ligjin që parandalojnë abuzimin në institucione në parandalimin e konfliktit të interesit. Po e rrisim edhe numrin e gjyqtarëve. Edhe 162 gjyqtarë të rinj i shtohen Kosovës. Jam shumë i bindur se viti 2019 do të jetë vit që do të shënoj progres në luftimin e korrupsionit”, ka deklaruar Tahiri, raporton lajmi.net.