MINISTRIA E INFRASTRUKTURËS E PËRKUSHTUAR NË FINALIZIMIN E PROJEKTEVE ME BERZH-IN

13/12/2018 Institucionet

Ministri i Infrastrukturës, Pal Lekaj, ka pritur të enjten në takim përfaqësues të Bankës Evropiane për Rindërtim dhe Zhvillim (BERZH) dhe Bankën Evropiane për Investime, me ç’rast kanë diskutuar rreth projekteve infrastrukturore të financuara nga BERZH-i, si dhe për progresin e arritur deri më tani në këto projekte. Ministri Lekaj njoftoi përfaqësuesit e BERZH-it dhe BEI-së se pavarësisht komplikimeve në fusha të ndryshme, si dhe kapaciteteve financiare të buxhetit të shtetit, Ministria e Infrastrukturës do të mundohet të mos lërë asnjë projekt të fjetur, pasi kjo është në interes të qytetarëve të Republikës së Kosovës. “Krijimi i Njësive Implemetuese ka ndikuar dukshëm në ngritjen e potencialit të punës së Ministrisë së Infrastrukturës, me qëllim të rehabilitimit të rrugëve”, pohoi Lekaj gjatë këtij takimi. Duke shprehur falënderime për bashkëpunimin e derimëtanishëm me BERZH-in, Lekaj tha se në pajtim me rregullat e Bashkimit Evropian, si dhe në interes të qytetarëve të Kosovës, çdo marrëveshje për projektet infrastrukturore me organizatat ndërkombëtare, do të zhvillohet në bazë të kritereve të parapara, e të cilat kanë për qëllim finalizimin e çdo projekti.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara