Starton “Njësia B1”, KEK-u në prodhim me kapacitete të plota

14/12/2018 Institucionet

Pas një remonti kompleks, “Njësia B1” e Termocentralit “Kosova B” është kthyer në prodhim. Korporata Energjetike e Kosovës (KEK) nga e enjta është në prodhim me kapacitete të plota. Prodhimi vendor nga termocentralet e KEK-ut, është rreth 800 megavat orë energji elektrike. “Kemi përfunduar me sukses një proces shumë sfidues dhe kompleks të riparimit të Turbinave dhe Gjeneratorit në njësinë “B1”. Gjatë dy ditëve të fundit janë kryer me sukses të gjitha testet e komisionit në sistemin e Turbinave dhe Gjeneratorit. Kurse të mërkurën është bërë ndezja e sistemit te kaldajës, proces ky i cili pastaj ka vazhduar me komisionimin e nxehte në sistemin e turbinave, gjeneratorit G1 dhe pas testimit të suksesshëm, pas mesnatës të datës 12.12.2018 është bërë sinkronizimi i “Njësisë B1” në sistem”, ka thënë Drejtori Menaxhues i KEK-ut, Njazi Thaçi. Sipas tij, falë angazhimit maksimal të të gjithë akterëve në proces, lëshimi në operim i kësaj njësie është bërë dy ditë para planit dinamik të paraparë. “Për informim, nga ora 01.54 e mëngjesit të enjtes KEK është duke prodhuar me kapacitetin maksimal prodhues në termocentralet e “Kosovës A” dhe “Kosovë B”, respektivisht me njësit gjeneruese A3, A4, B1 dhe B2 dhe me kapacitet maksimal prodhues prej 800 megavat orë energji elektrike”, ka bërë të ditur Thaçi. Ndryshe, Korporata Energjetike e Kosovës është e licencuar vetëm për prodhim të energjisë elektrike dhe e cila operon konform licencës, ndërsa përgjegjësin për shpërndarje dhe furnizim, duke përfshirë edhe importin kur konsumi është me i madh sesa prodhimi e kanë kompanitë tjera të licencuara në treg, në këtë rast, KEDS / KESCO si operator i shërbimeve universale.

Kontrolloni gjithashtu

Kryetari Latifi mori pjesë në shënimin e 25-vjetorit të punës së USAID-it në Kosovë

Me ftesë të Agjencisë së Shteteve të Bashkuara për Zhvillim Ndërkombëtar (USAID) në Kosovë, Kryetari …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara