Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Zyra e shtypit e Bashkimit Evropian e ka anuluar konferencën e përbashkët me kryeministrin, Ramush Haradinaj, pas takimit në Këshillin e MSA-së. Ky veprim ka ardhur për shkak të tendosjes së atmosferës në takim ku temë ishte edhe taksa ndaj Serbisë. Deri tani nuk ka asnjë sqarim lidhur me anulimin e konferencës, mirëpo po raportohet në vazhdimësi për një takim të tensionuar në BE. Gazetarët kanë lajmëruar nga Brukseli vetëm anulimin e Konferencës për medie Kjo është hera e dytë që BE-ja mujshare vepron me cinizëm e përbuzje kundër Kosovës Edhe vitin e kaluar ishte anuluar konferenca, pikërisht në një kohë kur Bashkimi Evropian i bënte trysni Kosovës për Demarkacion, të cilin edhe e kishte arritur. Duket se BE-ja edhe kësaj radhe ka dashur ta gjunjëzojë Haradinaj për së dyti. Tash për tash nuk dihet si janë zhvilluar bisedimet, por raportet e Kosovës me BE-në nuk janë më fare të entuziazmuara as të partneritet real, sikur dërdëllisin politikanët. BE-ja kërkon nga Kosova atë që kishte kërkuar edhe Beogradi në të kaluarën, para luftës, vetëm bindje dhe asgjë më shumë. Është hera e parë që autoritetet e Kosovës ia kthejnë fjalën BE-së, e cila nuk e njeh këtë gjuhë komunikimi me shqiptarët.
