leoni

LEKAJ REALIZOI NJË SËRË TAKIMESH TË FRYTSHME NË DITËN E PARË TË VIZITËS SË TIJ NË GREQI

17/12/2018 Institucionet

Ministri i Infrastrukturës Pal Lekaj, i cili po qëndron për vizitë në Greqi me ftesë të homologut të tij Christos Spritzis, ka realizuar një sërë takimesh me rëndësi. Këtë e ka bërë me dije vet ministri Lekaj me anë të një statusi në rrjetin social “Facebook”, ka thënë: “Vizitën në Greqi e fillova me takimin e zëvendës guvernatorit të Bankës së Greqisë, John Mourmouras. Me të diskutuam për mundësinë që potenciali ekonomik grek të orientohet për të investuar në Kosovë. Mourmouras që më parë ishte zëvendës ministër i financave dhe shumë shpejtë do të jetë prijësi i Bankës Qendrore, pranoi ftesën time për të vizituar Kosovën në fillim të vitit 2019. Meqë shumë të rinj nga Kosova e Shqipëria shkollohen në Republikën Helene, qëndrimin tim këtu e shfrytëzova për të vizituar edhe “Neë York College”, një institucion arsimor në Greqi, Shqipëri e Çeki. Elias Foutsis, themeluesi i këtij kolegji, faktor në politikbërjen greke, premtoi përkrahje të vazhdueshme për studentët tanë që janë pjesë e kolegjit të tij dhe bashkëpunim me institucionet arsimore në Kosovë”, shkruan në statusin e ministrit të Infrastrukturës Pal Lekaj.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara