Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Parlamenti i Studentëve ka paralajmëruar protestë paqësore në oborrin e Universitetit “Ukshin Hoti” Prizren. Përmes një njoftimi për media, ata kanë treguar se arsyeja e protestës është zgjedhja e një rektori të paligjshëm që Këshilli Drejtues po synon ta zgjedh ditën e sotme, në po të njëjtën orë. “Të nderuar zyrtarë të mediave, nëpërmjet kësaj shkrese ju njoftojmë se Parlamenti i Studentëve si organ qeverisës i studentëve do të organizojë një protestë paqësore në lokacionin e oborrit të Universitetit “Ukshin Hoti” Prizren. Protesta do të mbahet me datë: 21.12.2018 prej orës 13:00 deri në ora 14:00, në Universitetin “Ukshin Hoti”. Arsyeja e protestës është zgjedhja e një rektori të paligjshëm që Këshilli Drejtues po synon ta zgjedhë ditën e nesërme në po të njëjtën orë dhe ne nuk do ta lejojmë të ndodhë një gjë e tillë në asnjë mënyrë”, thuhet në njoftimin e tyre.
