Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në qytetin e Vlorës është përuruar shtatorja e Donika Kastriotit, në një ceremoni organizuar nga Fondacioni Mbarëkombëtar Kulturor “Nermin Vlora Falaski” dhe Bashkia e qytetit, në kuadër të Vitit Mbarëkombëtar të Gjergj Kastrioti Skënderbeut. Merrnin pjesë anëtaret e fondacionit, anëtar të këshillit të bashkisë, intelektual të qytetit, banorë të Vlorës etj. Ndodhej edhe Kryetarja e Këshillit të Bashkisë zonja Vojsava Shkurtaj dhe Nënkryetari i Bashkisë, Shaban Mehmeti. Në ceremoni ka folur para të pranishmëve Kryetarja e Fondacionit “Nermin Vlora” gazetarja e njohur Zenepe Luka, e cila ka falënderuar veçanërisht skulptorin vlonjatë Skënder Tena, sponsorët që bënë të mundur derdhjen në bronz të Donika Kastriotit, Bashkinë e Qytetit etj.
Më pas artistet e popullit Tinka Kurti dhe Margarita Xhepa kanë zbuluar nënë duartrokitjet e të pranishmëve shtatoren e Donika Kastriotit. Grupi polifonik “Djemtë e Vlorës” këndoi këngë kushtuar Donika Kastriotit, Skënderbeut dhe Ismail Qemalit. Nga Italia kishte ardhur dhe patriotja dhe organizatorja e aktiviteteve në emigracion Vitore Stefa Leka. (Çlirim Hoxha)
