Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kuvendi i Kosovës ka bërë të ditur se sot kryekuvendari Veseli do të merr pjesë në takimin e radhës koordinues për dialogun Kosovë – Serbi. Të ftuar në këtë takim do të jenë edhe kryetari Thaçi, Kryeministri Ramush Haradinaj, Ekipi Negociator, përfaqësuesit e grupeve parlamentare nga opozita, LDK dhe Vetëvendosje, ambasadorët e vendeve të QUINT-it dhe përfaqësues të Zyrës së BE-së në Kosovë. Lidhja Demokratike e Kosovës dhe Lëvizja Vetëvendosje po e refuzojnë edhe takimin me ambasadorët e vendeve të QUINT-it për çështjen e dialogut. Në takimin që ka ftuar kryetari i Kuvendit të Kosovës, Kadri Veseli, për sot, ku të pranishëm do të jenë ambasadorët e vendeve të QUINT-it dhe krerët e shtetit dhe të ekipit negociator, dy partitë opozitare edhe pse kanë marrë ftesë për të qenë pjesë e takimit, nuk e kanë konfirmuar pjesëmarrjen e tyre, duke refuzuar kështu bashkëpunimin edhe me ambasadat e vendeve të QUINT-it për procesin e dialogut.
