KEP ndihmon çerdhen publike në Malishevë

28/12/2018 Institucionet

Institucioni mikro financiar KEP (Kosovo Enterprise Program), e ka ndihmuar çerdhen publike në Malishevë, me mjete të punës. Në ceremoninë e dhënies së këtij donacioni për çerdhen, ishin të pranishëm edhe nënkryetari i Komunës së Malishevës, Hajdin Berisha dhe drejtori komunal për arsim, Blerim Thaçi, të cilët e kanë falënderuar KEP-in për këtë ndihmë konkrete. “Çdo ndihmë që vjen, është e mirëseardhur dhe na ndihmon edhe neve për krijimin e kushteve sa më të mira në institucionet e tilla, siç është çerdhja. Në emër të kryetarit të komunës së Malishevës, Ragip Begaj, që gjendet në një udhëtim jashtë vendit dhe emër të Komunës së Malishevës, ju falënderoj për këtë donacion për çerdhen publike”, ka thënë nënkryetari Berisha, me rastin e pranimit të donacionit. Edhe drejtori i Drejtorisë për Arsim dhe Edukim, Blerim Thaçi, e ka falënderuar KEP-in, për këtë donacion, shumë të nevojshëm për çerdhen e vetme publike në Malishevë. Donacioni që KEP dhuroi për çerdhen publike, është në vlerë prej 940 euro, ku përfshihet një shporet elektrik për kuzhinën e çerdhes dhe tre televizor, për monitorimin e çerdhes dhe nevojat tjera të çerdhes.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara