Në Ferizaj nisë zbatimi i Fondit të Punësimit, bëhet thirrje për aplikim për grante

28/12/2018 Institucionet

Drejtori i Drejtorisë së Zhvillimit Ekonomik dhe Turizmit në komunën e Ferizajt, Zekir Bytyqi ka mbajtur konferencën e fundit për këtë vit, me ç ‘rast paraqiti sukseset e këtij sektori të rëndësishëm të jetës komunale dhe sfidat me të cilat u ballafaqua gjatë vitit 2018. Para gazetarëve, drejtori Bytyqi ka theksuar disa prej sukseseve në këtë drejtori ndër të cilat regjistrimi i 816 bizneseve të reja me 1284 punëtorë, që nëse e krahasojmë me periudhën e njëjtë të vitit 2017 kemi mbi 100 biznese të regjistruara më shumë dhe 200 punëtorë të punësuar më tepër se në periudhën e njëjtë të vitit të kaluar. Ai theksoi se gjatë këtij viti filluan procedurat për themelimin e zonës së parë ekonomike në Ferizaj, se objekti i Qendrës së Inovacionit dhe Ndërmarrsisë -tani është në fazën e renovimit dhe po merr formën e një qendre të zhvillimit ekonomik, për çka edhe është destinuar, po krijohen kushte më të mira për aktivitet të cilat lidhen me nxitjen dhe zhvillimin e bizneseve të vogla me fokus inovacionin. Nga sot, fillon të realizohet edhe një premtim i kryetarit Aliu implementimin e platformës për përkrahjen e bizneseve të quajtur “Fondi i Punësimit”, platformë që ndikon drejtpërdrejt në rritjen e punësimit, , përmes subvencionimit direkt të bizneseve, me qëllim të zhvillimit ekonomik dhe krijimit të vendeve të reja të punës dhe fuqizimin e bizneseve, në fushën e prodhimit në Komunën e Ferizajt. Nëpërmjet këtij projekti ne do të ofrojmë pajisje në mënyrë që përfituesit të mund të rrisin biznesin e tyre. Vlera e një granti, për një përfitues, do të jetë 2,000.00 € deri 5,000.00 € shumë kjo e cila përfshinë edhe investimin nga përfituesit prej 20%. Në javën e parë të janarit do të ketë edhe sesion informues në Sallën e Kuvendit të Komunës së Ferizajt, andaj bëjmë thirrje publike për aplikim të bizneseve ferizajase” tha drejtori i zhvillimit ekonomik dhe turizmit, Zekir Bytyqi. Synimet e drejtorit të Drejtorisë së Zhvillimit Ekonomik dhe Turizmit, Zekir Bytyqi gjatë vitit 2019 janë subvencionim i bizneseve me pajisje prodhimit, subvencionimi i kamatave kreditore për biznese, funksionalizimi i qendrës për inovacion dhe ndërmarrësi, hapja e zyrës për zhvillim ekonomik, rishikimin e politikave të Komunës, me synim lehtësimin e të bërit biznes, investimet në zonën turistike në Nerodime dhe zonat e qytetit, hartimin e Strategjisë për Zhvillim Ekonomik Lokal.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara