Ministri Reçica viziton fëmijët e “Handikos” në prag të ndërrimit të moteve

31/12/2018 Institucionet

Ministri i Punës dhe Mirëqenies Sociale, Skender Reçica, ka vizituar Shoqatën “Handikos” në prag të ndërrimit të motove, ku ka takuar fëmijët me aftësi të kufizuara të kësaj shoqate. Reçica u uroi fëmijëve dhe familjeve të tyre vitin e ri dhe u premtoi se do të vazhdojë ofrimin e mbështetjes së vazhdueshme për ngritjen e mirëqenies së kësaj kategorie. “Jemi këtu sot që në prag të ndërrimit të moteve të kalojmë pak çaste së bashku me fëmijët e shoqatës dhe gjithashtu t’u tregojmë atyre dhe familjarëve se përkushtimi dhe angazhimi ynë në përmbushjen e obligimeve morale dhe ligjore që kemi ndaj tyre do të vazhdojë pa ndalë”, tha ministri. Ministri tha se ngritja e mirëqenies dhe trajtimi meritor i kësaj kategorie do të jetë në fokus edhe të planprogramit për vitin 2019. “Ne tashmë e kemi miratuar në qeveri Koncept-Dokumentin për kategorizim dhe trajtim të personave me aftësi të kufizuara nga i cili do të burojë ligji gjithëpërfshirës për personat me aftësi të kufizuara”, tha ministri. Ndërkaq, kryetari i Shoqatës “Handikos”, Afrim Maliqi dhe familjet e fëmijëve falënderuar ministrin Reçica për vizitën dhe përkrahjen e vazhdueshme, si dhe angazhimin për ngritje të mirëqenies për kategoritë me aftësi të kufizuara.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara