Në minutat e para të 2019-tës, Agim Aliu vizitoi institucionet, i uroi Vitin e Ri, punonjësve kujdestar

03/01/2019 Institucionet

Në minutat e para të Vitit të Ri 2019, Kryetari i Komunës së Ferizajt, Agim Aliu i shoqëruar edhe nga drejtori i Shëndetësisë dhe Mirëqenies Sociale, Besnik Berisha si dhe drejtori i Shërbimeve Publike dhe Emergjencë, Arben Halili kanë vizituar institucionet kujdestare në shërbim këtë natë, si Spitali Regjional i Ferizajt, Qendra Kryesore e Mjekësisë Familjare, Brigada e Zjarrfikësve, Stacioni Policor në Ferizaj dhe Kazermën e Forcës së Sigurisë së Kosovës. I pari i Ferizajt, Agim Aliu i uroi punëtorët e këtyre institucioneve, Vitin e Ri 2019, me dëshirën që të përmirësohet mirëqenia e tyre dhe familjeve të tyre si dhe mbarësia e sukseset t’i përcjellin në vitin që sapo hymë. Ai ndër të tjera u njoftua edhe për menaxhimin e gjendjes dhe ofrimin e shërbimeve në këtë natë feste. Nga njoftimet e punonjësve të këtyre institucioneve në Ferizaj, gjendja u vlerësua përgjithësisht e qetë, nuk pati ndonjë incident apo sfidë për t’u theksuar në këtë natë feste, përjashtimisht grabitjes së sotme në një argjendari në qendër të qytetit në orët e pasdites, për të cilën Policia e Kosovës, Stacioni Policor në Ferizaj njoftoi se ka nisur të gjitha procedurat e nevojshme. Gjatë vizitës që i bëri i pari i Ferizajt, Agim Aliu, Spitalit Regjional të Ferizajt, takoi dy nëna që pak minuta para Vitit të Ri, sollën në jetë foshnjat e tyre. Ato i uroi për lindjen dhe uroi gjithashtu fat e mbarësi bashkë me familjet tyre për të porsalindurit. Edhe në Forcën e Sigurisë së Kosovës, i pari i Ferizajt, Agim Aliu u prit ngrohtë nga oficerët kujdestar, të cilët i uroi Vitin e Ri dhe hyrjen në vitin e parë tashmë me mandat të ri të Ushtrisë së Kosovës. Me falënderimin për shërbimin ndaj qytetarëve dhe dhurata për stafin kujdestar dhe drejtuesit e këtyre institucioneve u përmbyll vizita e parë e 2019-tës e Kryetarit të Komunës së Ferizajt, Agim Aliu.

Kontrolloni gjithashtu

U mbajt mbledhja e Komitetit konsultativ për persona me aftësi të kufizuara

Në prani të anëtarëve të Komitetit Konsultativ për Persona me Aftësi të Kufizuara, nën udhëheqjen …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara