Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Zëvendës-ministri i Punës dhe Mirëqenies Sociale, Çerkin Dukolli, përmes një shkrimi i ka uruar Radio Kosova e Lirë 20 vjetorin e themelimit. Ai ka thënë se RKL shpejt u shndërrua në zë të fuqishëm të luftës çlirimtare, duke transmetuar informacione nga fushëbeteja të ndryshme.
“Në Berishë, në janarin e acart e të krenarisë të vitit 1999, 20 vite më parë në orët e pasditës jehoj kumbueshëm zëri i luftës çlirimtare përmes valëve të Radio Kosova e Lirë. RKL shpejt u shndërrua zëri i fuqishëm i luftës sonë çlirimtare, duke transmetuar informacione nga fushëbeteja të ndryshme anëkënd vendit. RKL me zërin e saj, u dha forcë e moral të gjithë luftëtarëve të UÇK-së gjatë gjithë kohës. RKL edhe nga paslufta e deri tani, njëjtë vazhdon të jetë zëri i krenarisë së epokës së lavdishme të UÇK-së, duke na ofruar programe dhe emisione tematike për dëshmorët e kombit, për betejat dhe luftën e drejtë të UÇK-së. 20 vite punë dhe angazhim me të vetmin qëllim informimin e drejtë të opinionit publik. Urime 20 vjetori i funksionimit RKL. Urime menaxhmentit, stafit dhe të gjithë dëgjuesve”, ka shkruar Dukolli.
