Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti i Kuvendit të Kosovës nga radhët e PDK-së, Mergim Lushtaku i cili po e shoqëron babain e tij, ish-komandantin e UÇK-së për Zonën Operative të Drenicës, Sami Lushtakun në Hagë, ku po intervistohet nga prokuroria e Gjykatës Speciale ka reaguar më anë të një shkrimi. Ai ka thënë së kur do të vijë dita për gjykimin e vrasjeve se 13,900 civilëve shqiptarë, 400 masakrave e 20 mijë dhunimeve. “Gjithmonë i gatshëm për të dëshmuar pastërtinë e luftës së drejtë të Ushtrisë Çlirimtare të Kosovës. Njëherë në gjykatat e UNMIK-ut, më pas të EULEX-it, tani në Gjykatën Speciale dhe çdo gjykatë tjetër që do të mund të themelohet në të ardhmen, do të jem gati që ta mbroj luftën e Ushtrisë Çlirimtare të Kosovës e cila ka qenë e drejtë dhe për liri të cilën e gëzojmë të gjithë bashkë në Kosovë. Mirëpo, kur do të vijë dita për gjykim dhe drejtësi ndërkombëtare për:
- Vrasjen e 13,900 civilëve shqiptarë nga shteti serb,
- Kryerjen e 400 masakrave,
- Dhunimin e 20 mijë grave shqiptare,
- Mijëra shqiptarë ende të pagjetur,
- Spastrimi etnik i mbi një milion shqiptarëve.
Secili shqiptar, unë dhe ti që po e lexon këtë tekst beson në pastërtinë e luftës së UÇK-së, beson në drejtësi”, ka shkruar Lushtaku.
