Zëvendësministri i MAPL-së, integrimi i komunitetit RAE në Malishevë, shembull për të gjithë

17/01/2019 Institucionet

Zëvendësministri i Ministrisë së Administrimit të Pushtetit Lokal (MAPL), Bashkim Krasniqi, ka qëndruar sot në Malishevë, ku është pritur nga kryetari i Komunës së Malishevës, Ragip Begaj dhe zyrtarja për komunitete dhe kthim, Edona Krasniqi. Me këtë rast, zëvendësministri Krasniqi, e ka vlerësuar lartë integrimin dhe jetesën e komunitetit RAE në Komunën e Malishevës, duke e quajtur si një shembull për të gjithë. Kryetari i Komunës së Malishevës, Ragip Begaj, e ka njoftuar zv/ministrin e MAPL-së, Bashkim Krasniqi, me situatën e përgjithshme në Komunën e Malishevës dhe në veçanti me pozitën e komunitetit RAE. “Në Malishevë jetojnë shtatë familje, të këtij komuniteti dhe të gjithë janë të integruar, si në sistemin e arsimit, punësimit, si dhe në ofrimin e të gjitha shërbimeve, të barabartë me të gjithë popullsinë e Malishevës, pa asnjë dallim”. Këtë gjendje të komunitetit RAE në Malishevë, e ka vlerësuar lartë edhe zv/ministri i MAPL-së, Bashkim Krasniqi, i cili paraprakisht është takuar edhe me pjesëtar të këtij komuniteti. “Këtu janë të integruar mirë në shoqëri dhe komuniteti RAE jeton pa asnjë problem. Katër prej tyre janë të punësuar në institucione, ndërsa nxënësit dhe studentët shkollohen pa problem, si e tërë shoqëria e Malishevës dhe marrin shërbimet si të gjithë të tjerët. Janë shembulli më i mirë i integrimit”, ka thënë mes tjerash zv/ministri i MAPL-së, Bashkim Krasniqi.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara