Kryetari Begaj, vizitoi mësimdhënësit grevist në Gjimnazin “Hamdi Berisha”

21/01/2019 Institucionet

Kryetari i Komunës së Malishevës, Ragip Begaj dhe drejtori komunal për arsim, Blerim Thaçi, kanë vizituar Gjimnazin “Hamdi Berisha” në Malishevë, ku janë takuar me mësimdhënësit e këtij gjimnazi, të cilët, si në të gjitha shkollat tjera janë në grevë. Begaj e Thaçi, kanë biseduar me mësimdhënësit për grevën e tyre, ku edhe kanë shprehur shqetësimin e tyre, pasi të dëmtuar nga kjo grevë, dalin vetëm nxënësit. “Ne i kuptojmë kërkesat e juaja, ashtu sikur edhe të drejtën për të mbajtur grevë, por shqetësim i yni është dëmi i pariparueshëm i humbjes së orëve të mësimit, humbje e cila nuk mund të zëvendësohet”, ka thënë Begaj, gjatë takimit me mësimdhënësit e këtij gjimnazi. Nga ana tjetër, përfaqësuesit e sindikatës së mësimdhënësve në këtë gjimnaz, thanë se do të vazhdojnë grevën për aq kohë sa vendos SBASHK-u, pasi janë anëtar të kësaj sindikate dhe i mbështesin në tërësi kërkesat për rritje të koeficientit.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara