Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Shefi i Grupit Parlamentar të LDK-së, Avdullah Hoti, ua ka kujtuar kryeministrit Haradinaj dhe kryekuvendarit Veseli një marrëveshje të bërë me SBASHK-un gjatë fushatës së fundit zgjedhore. Hoti ka thënë se koalicioni i ‘punëve të mëdha’ ka kërkuar votat e arsimtarëve duke iu garantuar 30 për qind rritje pagash. “Dikur koalicioni i ‘punëve të mëdha’ kërkonte votat e arsimtarëve, duke iu garantuar 30% rritje të pagave. Tani me arrogancë u kërkojnë ndërprerjen e grevës. Mashtrimet elektorale kanë dalë sheshit. Kërkesat e SBASHK-ut duhet të merren në konsideratë, pasi nuk po kërkojnë rritje të pagës, por trajtim të barabartë në strukturën e pagave në sektorin publik. Zgjidhja është e thjeshtë: Qeveria të anulojë vendimin për dyfishimin e pagës për vete. Projektligji i pagave të tërhiqet dhe të rishkruhet në konsultim me arsimtarët, mjekët, shërbyesit civil, policinë, zjarrfikësit, doganierët, inspektorët tatimorë, komunat dhe sektorët e tjerë”, ka shkruar Hoti.
