Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Edhe Shoqata e Invalidëve të luftës e UÇK-së dhe ajo e dëshmorëve të UÇK-së kanë reaguar rreth ligjit për pagat dhe miratimit të buxhetit të Kosovës për vitin 2019. Këto shoqata të luftës kanë fajësuar Qeverinë që nuk i ka marrë për bazë kërkesat e tyre për rritjen e pensionit për invalid dhe familje të dëshmorëve. Sipas shoqatave të dala nga lufta, rritja e fundit është bërë në vitin 2011 nga Qeveria e atëhershme e drejtuar nga Hashim Thaçi. Kryetari i Shoqatës së Invalidëve të Luftës së UÇK-së, Fadil Shurdhaj, ka bërë thirrje Qeverisë së Kosovës, kryeministrit dhe ministrive përkatëse që të shqyrtojnë kërkesat e tyre. Sipas dokumenteve që ka postuar Shurdhaj, Shoqata e Invalidëve të luftës e UÇK-së i ka bërë kërkesë edhe kryeministrit Ramush Haradinaj për ngritje të pensioneve të invalidëve të UÇK-së. Këtë kërkesë Shoqata e Invalidëve të luftës e UÇK-së e ka bërë më 14 janar të këtij viti.
