Në Viti u mbajt Konferenca shkencore ,,Shkolla shqipe në hapësirat shqiptare përgjatë shekujve XVI-XX”

05/02/2019 Institucionet

Një konferencë shkencore për shkollën shqipe, ka tubuar në Viti, akademikë, profesor e studiues të fushës së letërsisë, si dhe punëtor arsimor e të pranishëm të tjerë, me temë “Shkolla shqipe në hapësirat shqiptare në shekujt XVI-XX”, që për qëllim kishte krijimin dhe forcimin e lidhjeve mes aspektit teorik dhe kërkimor të shkollave shqipe gjatë shekullit XVI-XX. Arsyeja e mbajtjes së kësaj konference, nga të pranishmit u tha se komuna e Vitisë është burim i shkollave të para shqipe në Kosovë me Shkollën shqipe në Stubëll të Epërme me mësuesin Dom Mikel Tarabolluzin dhe Shkolla shqipe në Pozheran me mësuesin Sylejman Syla (Molla Syla) nga Tërpeza. Të pranishmit e kësaj konference, në emër të Institucioneve komunale i përshëndeti zëvendëskryetari i komunës së Vitisë Hasan Aliu, i cili mes tjerash u shpreh se Vitia si komunë dhe ne si qytetarë të saj, mburremi që jemi vatër e arsimit, kulturës dhe traditave ndër shekullore sa i përket formimit dhe zanafillave të shkollave të para shqipe në Kosovë. “Ne si institucione komunale, si dhe për shtetin e Kosovës, në vazhdimësi jemi angazhuar për të krijuar një kulturë qeverisëse për ruajtjen, përkrahjen afirmimin dhe promovimin e zanafillave të themelimit të shkollave të para shqipe në Kosovë. Institucionet komunale janë zotuar gjithnjë në shërbim të përhapjes së kulturës, si armë e fuqishme, që të ecim dinjitetshëm kah përparimi dhe suksesi i gjithëmbarshëm. Prandaj, përgëzoi akademikët, profesorët dhe organizatorët e kësaj konference shkencore, me shpresë se përmes kësaj, të shpalosen edhe shumë të pathëna për historinë e shkollave dhe arsimit shqip, në komunën e Vitisë”, u shpreh Aliu. Me kumtesa në këtë konferencë u paraqitën Akademik Mehmet Halimi, Prof.dr Isak Shema me kumtesën për periodizimin e zhvillimit të arsimit shqip ndër shekuj, prof.dr. Nezir Bata me kumtesën për Institucionet arsimore në periudhën e perandorisë osmane, mandej prof. dr. Mark Palnikaj nga Shqipëria, prof.dr. Avzi Mustafa nga Maqedonia, prof.dr. Rovena Vata, prof.dr Daut Bislimi, prof.Nikollë Loka, Phd.kandidat Sarë Gjergji dhe Mr.sc Adem Murati.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara