20 shkolla të komunës së Vitisë përfituese të projektit ambiental të “Let’s do it Kosova”

11/02/2019 Institucionet

Komuna e Vitisë dhe Let’s do it Kosova, kanë nënshkruar një marrëveshje bashkëpunimi, për zhvillim të shumë aktiviteteve, të cilat kanë për qëllim mbrojtjen dhe përmirësimin e mjedisit jetësor, si dhe sensibilizimin e shoqërisë sonë, për çështje mjedisore. Kjo marrëveshje parasheh bashkëpunimin që çështja ambientale të institucionalizohet edhe në institucionet edukativo arsimore, nëpërmjet programeve trajnuese për nxënës, si hap fillestar. Në vazhdën e këtij bashkëpunimi, do të përfshihen 20 shkolla të komunës së Vitisë. Let’s do it Kosova është duke zhvilluar produktin e trajnimeve për nxënës të shkollave fillore, të mesme të ulëta me titull: “Ngritja e kapaciteteve të nxënësve në fushën e mjedisit jetësor dhe rivitalizimin e hapësirave shkollore”. Me rastin e nënshkrimit të këtij memorandumi me përfaqësuesit e Let’s do it Kosova, kryetari Sokol Haliti ka theksuar se ne si Institucione kemi qenë në vazhdimësi të angazhuar sa i përket çështjeve ambientale e mjedisore, e gjithashtu edhe në krijimin e hapësirave gjelbëruese në komunën e Vitisë. Në këtë takim, ishin të pranishëm edhe drejtoresha e Arsimit Fatbardha Emini, drejtori I Shërbimeve Publike Nexhmedin Jakupi , si dhe ai I Urbanizimit, planifikimit dhe mbrojtjes së mjedisit, Ajet Sallahu.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara