Aktivitete të shumta për nder të 17 shkurtit –Ditës së Pavarësisë së Kosovës

13/02/2019 Institucionet

Komuna e Ferizajt, ka bërë të gjitha përgatitjet e duhura për shënimin e 11 vjetorit të Pavarësisë së Republikës së Kosovës. Sipas drejtoreshës për Kulturë, Rini dhe Sport, Xhemile Murati-Shabani aktivitete për shënimin e kësaj ditë do të mbahen nën patronatin e Kryetarit të Komunës së Ferizajt, Agim Aliu. “Aktivitete për shënimin e kësaj ditë do të fillojnë nga data 14 shkurt me koncert të fëmijëve nga grupi muzikor Kromatika me fillim nga ora 17:00 në teatrin “Adriana”, ndërsa me 15 shkurt në teatrin “Adriana” në ora 20:00 do të shfaqet shfaqja “Hanibali i Nëntokës”, ka thënë drejtoresha Murati-Shabani. Ndërsa të shtunën me datën 16 shkurt me fillim nga ora 11:00 do të ketë turnir në hendboll nga veteranët e klubit hendbollistik “Kastriotit” në palestrën e sporteve “Bill Clinton”, ndërsa nga ora 14:00 në teatrin “Adriana” do të ketë koncert për fëmijë, në orën 18:00 në Galerinë e Artëve do të shfaqet një ekspozitë kolektive nga Shoqata e Artistëve Figurativ “Zef Kolombi” ndërkaq në ora 20:00 do të reprizohet shfaqja “Hanibali i Nëntokës”. Dita e festës do të filloj me homazhe në Varrezat e Dëshmorëve në ora 10:00,akademia solemne fillon më ora 11:00 në teatrin “Adriana”, si dhe në fund do të shfaqet një koncert në teatrin “Adriana” nga shkolla e muzikës “Çesk Zadeja” në ora 18:00.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara