leoni

Ministri Shala takoi kryetarin e Odës Ekonomike Indiane

13/02/2019 Institucionet

Ministri i Tregtisë dhe Industrisë, Endrit Shala, ka pritur në takim kryetarin e Odës Ekonomike Indiane, Asif Iqbal, që temë diskutimi ishte thellimi i bashkëpunimit në mes dy shteteve në fushën e ekonomisë dhe shkëmbimeve tregtare. Ministri Shala e ka informuar delegacionin e Odës Ekonomike Indiane për mundësit që i ofron Kosova për investitorët e huaj dhe Ligji për Investime Strategjike, që është duke u aplikuar tashmë dhe ka sjellë efekte të jashtëzakonshme. Po ashtu, në takim, u diskutua për mundësitë e shumta që i ofron Kosova për investime në fushën e energjisë, teknologjisë, bujqësisë, turizmit, etj. Ministri Shala tha se Kosova ofron kushtet më të favorshme në rajon për investime, si rezultat i Ligjit për Investime Strategjike, dhe po ashtu ndryshimeve të fundit që janë bërë në këtë ligj, që krijon lehtësira edhe më të mëdha për investitorët. “Potenciali i Kosovës është i jashtëzakonshëm, kemi një rini shumë inovative dhe janë krijues. Po ndërtojmë zona ekonomike nëpër vendet kryesore të Kosovës që investitorëve të huaj t’ua sigurojmë edhe vendin me një qira shumë modeste”, tha ministri Shala. Kryetari i Odës Ekonomike Indiane, Asif Iqbal, theksoi se bizneset indiane kanë interes që të shtrihen në rajonin e Ballkanit, e edhe në Kosovë për të investuar në fushën e teknologjisë.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara