Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputetja e PDK-së, Blerta Deliu-Kodra, ka thënë se taksa e vënë ndaj produkteve serbe ka treguar deri tash efektet e saj ndaj një lufte të vazhdueshme të Serbisë kundër Kosovës. “Pengesat e Serbisë kanë qenë sistematike. Serbia as në implementimin e marrëveshjeve të Brukselit nuk ka treguar kurajë. Taksa ka prodhuar efekte e ka thënë edhe kryetari Kadri Veseli”, ka thënë ajo. Deliu-Kodra që vjen prej partisë që ka kërkuar pezullimin e taksës për 120 ditë, ka thënë se në ditët në vijim do të merren hapa konkret në këtë çështje. “Kosova nuk do të bëhej e pavarur pa ndihmën e miqve. Duhet të jemi të kujdesshëm që t’i ruajmë raportet më miqtë tanë ndërkombëtarë. Besoj shumë se gjatë ditëve në vazhdim do të kemi hapa konkret që do ta dëshmojnë seriozitetin e Kosovës”, ka theksuar ajo.
