Kryetari Haliti kërkon mbështetje më të madhe për Komunat e Anamoravës

19/02/2019 Institucionet

Kryetari i Komunës së Vitisë, Sokol Haliti ka marrë pjesë në një takim të përbashkët që u zhvillua në Gjilan nëpërmjet përfaqësuesve të Komunave dhe Kompanive Rajonale të Ujësjellësve të Kosovës e cila u mbajt nën organizimin e Asociacionit të Komunave të Kosovës (AKK) dhe Shoqatës së Ujit dhe Kanalizimit në Kosovë (SHUKOS). Gjatë këtij takimi në veçanti është folur për bashkëpunimin e Komunave dhe Kompanive Rajonale të Ujësjellësve rreth organizimit dhe planifikimit të projekteve për investime infrastrukturore. Me këtë rast Kryetari Haliti ka shprehur pakënaqësinë e tij ndaj siç tha ai të neglizhencës që po ju bëhet jo vetëm ndaj Komunës së Vitisë por edhe të komunave të Anamoravës nga qeveria qendrore në realizimin e projekteve në fushën e ujësjellësit dhe kanalizimit. Haliti theksoi se ai gjithashtu është i pakënaqur për mos përkrahjen e Komunës së Vitisë për marrjen e Kredisë së butë austriake edhe pse sipas tij Komuna e Vitisë është ndër të parat që ka bërë kërkesë për këtë lloj të kredisë. Kryetari Haliti shtoj se si përfaqësues i qytetarëve të Komunës së Vitisë, ai është i pakënaqur edhe për mos zgjerimin e rrugës Gjilan, Viti, Ferizaj, për mos kyçje në autostradën Prishtinë-Shkup në fshatin Gërlicë si dhe për përkrahjen shumë të ulët financiare nga niveli qendror ndaj Komunës së Vitisë.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara