Komuna dhe ASB do të ndihmojnë dhjetë familje në Malishevë

11/03/2019 Institucionet

Komuna e Malishevës dhe OJQ “Arbeiter Samarites Bund-ASB”, kanë nënshkruar një marrëveshje mirëkuptimi për implementimin e projektit “Mbështetje e Integruar Socio-ekonomike për familjet shumë të prekura”. Kjo marrëveshje është nënshkruar në mes të kryetarit të Komunës së Malishevës, Ragip Begaj dhe përfaqësues së ASB për Kosovë, Dafina Hoxha. Ky projekt financohet nga Ministria e Punëve të Jashtme të Gjermanisë, dhe realizohet nga Organizata Ndërkombëtare Humanitare Gjermane “Arbeiter –Samariter-Bund Detchland. Qëllimi i këtij projekti është, që në bashkëfinancim me komunën, gjatë këtij viti të mbështesë dhjetë familje në nevojë në Komunën e Malishevës, për krijimin e kushteve më të mira të jetesës dhe themelimin e bizneseve të vogla familjare. Gjatë kësaj periudhe kohore, përfaqësuesit e projektit, do të punojnë ngushtë me Komunën e Malishevës, gjegjësisht me Drejtorinë për Shëndetësi dhe Mirëqenie Sociale, për të identifikuar rastet të cilat përmbushin kriteret e përcaktuara paraprakisht nga projekti dhe të njëjtat t’i përkrahë me grante, përkatësisht pajisje.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara