Forca e Sigurisë së Kosovës, Batalioni i dytë i Brigadës për reagim të shpejtë, mbajti konferencën specifikuese për organizimin e ushtrimit fushor që do të mbahet në qershor 2019

13/03/2019 Institucionet

Në sallën e mbledhjeve të kuvendit të komunës së Rahovecit, shtabi i batalionit të dytë ka mbajtur konferencën specifikuese për organizimin e ushtrimit fushor që do të mbahet në Qershor të këtij viti. Kjo konferencë është udhëhequr nga nënkolonel Astrit Haliti, Komandant i batalionit të dytë, në konferencë të pranishëm ishin edhe kryetari i komunës së Rahovecit Smajl Latifi, Osman Ismajli komandant i Policisë së Kosovës në Rahovec, ushtarët e batalionit të dytë, Hasan Perboqi Drejtorin e Drejtorisë për Mbrojtje dhe Shpëtim, pjesëtarë të zjarrfikëseve, Jusuf  Korenica drejtor i QKMF-së “Fahredin Hoti” si dhe zyrtar të kryqit të kuq. Qëllimi i kësaj konference është koordinimi i aktiviteteve për organizimin të mirëfilltë të ushtrimit fushor Ujku 02/19, që do të mbahet në muajin Qershor 2019 në bashkëpunim me strukturat e sigurisë së komunës së Rahovecit duke përfshira Policinë e Kosovës, zjarrfikësit dhe agjencioneve të tjera. Një ushtrim i tillë do të mbahet për herë të parë në komunën e Rahovecit, për këtë kryetari i komunës, Smajl Latifi ka ofruar mbështetjen të plotë që ky ushtrim të jetë sa më suksesshëm. Konferenca është udhëhequr nga major Ali Haxhimustafa, zëvendës komandant i batalionit të dytë dhe drejtor i ushtrimit. Në muajt në vazhdim, prill dhe maj do të organizohen konferencat tjera për planifikimin përfundimtar dhe caktimin e ngjarjeve dhe lokacioneve kryesore që do të ndodhin gjatë këtij ushtrimi. Ushtarët dhe stafi i batalionit të dytë janë të kënaqur me mbështetjen e kryetarit dhe agjencioneve pjesëmarrëseve në konferencës.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara