Ministri Bytyqi: Po punohet për arsimim cilësorë për fëmijët me nevoja të veçanta 

21/03/2019 Lajmet

Ministri i Arsimit, Shkencës dhe Teknologjisë, Shyqiri Bytyqi, kryeministri i Kosovës, Ramush Haradinaj dhe u.d. shef i Zyrës së Bashkimit Evropian në Kosovë, Riccardo Serri, morën pjesë në konferencën “Aftësia e Kufizuar Intelektuale në Kosovë”, e cila u mbajt në kuadër të shënimit të Ditës Botërore të Sindromit Down. Me këtë rast, ministri Bytyqi ndër të tjera tha se, Ministria e Arsimit, Shkencës dhe Teknologjisë është e angazhuar që të ofrojë kushte për edukim dhe arsimim të barabartë për të gjithë personat me nevoja të veçanta në Kosovë, duke respektuar kështu me përpikëri Strategjinë Nacionale 2013/2023, që ka për qëllim fuqizimin e mbrojtjes dhe respektimit të të drejtave të gjithë këtyre personave. “Nuk duhet që vetëm në këtë ditë të shënuar të diskutojmë për këta persona, por duhet që çdo ditë të kemi angazhimin si institucione për t’iu siguruar mundësi të barabarta”, tha ministri Bytyqi. Ministri Bytyqi tha se, duhet të ndihmojmë të gjithë personat që të ndihen të barabartë dhe në këtë drejtim kemi kompletuar infrastrukturën ligjore, një obligim që i takon drejtpërdrejtë politikave të Ministrisë së Arsimit. “Kemi obligim që përtej infrastrukturës ligjore, këta persona t’i ndihmojmë dhe t’i përkrahim edhe me profesorë, asistentë, mësimdhënës të përgatitur. Në këtë kontekst, Ministria e Arsimit ka propozuar që të angazhohen 100 asistentë nëpër komuna të ndryshme, të cilët do të mbështesin personat me nevoja të veçanta në procesin e mësimnxënies, gjatë këtij viti dhe viteve të ardhshme”. Në fund, ministri Bytyqi tha se, MAShT është e përkushtuar që të vazhdojë bashkëpunimin me të gjithë donatorët, partnerët dhe palët me interes në mbështetje të realizmit dhe respektimit të të drejtave të personave me aftësi nevoja të veçanta, përfshirë personat me Dindrom Down, në shoqërinë kosovare.

Kontrolloni gjithashtu

Albin Kurti: Brukseli dhe Uashingtoni bënë padrejtësi ndaj Kosovës duke i vendosur masa ndëshkuese

Albin Kurti, në një intervistë për median zvicerane “NZZ”, thotë se Perëndimi po tregohet ‘shumë naiv’ me Beogradin zyrtar

Albin Kurti,  në një intervistë për median zvicerane “NZZ”, thotë se Perëndimi po tregohet ‘shumë naiv’me …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara