leoni

Mbahet sesion informues për Panairin e Punës që do të mbahet në Ferizaj

22/03/2019 Institucionet

Në sallën e Kuvendit të Komunës së Ferizajt, Drejtoria e Zhvillimit Ekonomik dhe Turizmit ka mbajtur një sesion informues me punëdhënësit nga Rajoni i Ferizajt, Shtimes, Kaqanikut, Hanit Elezit dhe Shtërpcës, lidhur me Panairin e Punës 2019, i cili organizohet në bashkëpunim me Ministrinë e Punës dhe Mirëqenies Sociale (MPMS), Agjencinë e Punësimit të Republikës së Kosovës(APRK), Komunën e Ferizajt dhe Zyrën Gjermane për Bashkëpunim Ndërkombëtar (GIZ). Me këtë rast drejtori i Drejtorisë së Zhvillimit Ekonomik dhe Turizmit Zekir Bytyqi, ka thënë se ky sesioni informues ka për qëllim të njoftojë dhe ofrojë udhëzime më të qarta për të gjithë punëdhënësit që janë të interesuar të marrin pjesë në panair. Të pranishmit lidhur me detajet e këtij panairi të punësimit, i ka dhënë Arbër Jashari nga organizata GIZ. Gjatë këtij sesioni të gjithë të pranishmit patën rastin që të regjistrohen përmes aplikimit online apo formularit për aplikim. Po ashtu u bë e ditur se të gjithë punëdhënësit të cilët shpallin vendet e lira të punës apo praktikës në punë, gjatë panairit mund të intervistojnë dhe vlerësojnë kandidatët potencial për punë apo praktikë në punë. Ndërkaq punëkërkuesit do të kenë mundësin e aplikimit apo intervistimit të praktikes në punë apo vendeve të lira të cilët janë shpall nga kompanitë, si dhe informata për trajnime e aftësime profesionale. Panairi i Punës do të mbahet me datën 30 mars duke filluar nga ora 10:00 në shkollën fillore te mesme të ulët “Tefik Çanga” në Ferizaj.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara