Komuna e Vitisë kujton 20 vjetorin e sulmeve ajrore të Natos kundër caqeve ushtarake e policore serbe

25/03/2019 Institucionet

Me rastin e fillimit të sulmeve ajrore të NATO-së kundër caqeve ushtarake e policore serbe, nën udhëheqjen e Kryetarit të Komunës së Vitisë, Sokol Haliti si dhe asamblistëve pjesëmarrës në Manifestimin “Flakadani i Karadakut 2019” janë bërë homazhe tek kompleksi i diplomatit të njohur amerikan “Richard Holbrooke” në Viti. Aty Kryetari i Komunës së Vitisë, Sokol Haliti pas vendosjes së luleve ka mbajtur një fjalë rasti ku në veçanti ka folur mbi sulmet ajrore të NATO-së dhe kontributit të shteteve mike për lirinë e Kosovës. Haliti në 20 vjetorin e fillimit të bombardimeve të NATO-s, ndaj caqeve serbe, ka thënë se me këtë intervenim u bë edhe çlirimi i Kosovës nga okupatori i atëhershëm. Kryetari Haliti potencoi se 24 marsi është një ditë e rëndësishme për popullin e Kosovës . “Krahas respektit për dëshmorët, ne si Viti respektojmë dhe nderojmë aleatët dhe miqtë tanë ndërkombëtar, si ish- diplomatin amerikan, Richard Hobrooke, tek busti i tij në qendër të Vitisë, që si ai dhe shumë aleatë të tjerë amerikan dhe të NATOS-së që në kohën më të vështirë ishin përkrah Kosovës, dhe realizuan aspiratat shekullore të shqiptarëve për lirinë dhe shtet ndërtimin e shtetit tonë. Aspirojmë që në të ardhmen me mbështetjen e miqve ndërkombëtarë ta kemi edhe ulësen në OKB”, tha Haliti në mes tjerash. Kryetari Haliti tha se në këtë ditë të rëndësishme historike ata kujtomë edhe dëshmorët që dhanë jetën për lirinë e Kosovës. Përndryshe me 24 mars të vitit 1999, NATO-ja filloi fushatën e bombardimeve kundër forcave serbe, e cila i dha fund luftës gati dyvjeçare në Kosovë.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara