Ministrja Zhiviç viziton fermën e familjes Zhivkoviq

27/03/2019 Institucionet

Ministrja e Bujqësisë, Pylltarisë dhe Zhvillimit Rural, Dijana Zhiviç, për t’u njohur nga afër me problemet e fermerëve, të mërkurën ishte për vizitë në fshatin Lepinë të komunës së Graçanicës.
Gjatë qëndrimit të saj në pronën e fermerit Nikola Zhivkovqc, ministrja Zhiviç tha se nëpërmjet këtyre vizitave në terren synojmë t’i motivojmë fermerët që të vazhdojnë edhe më tej t’i përkushtohen bujqësisë dhe t’i inkurajojmë ata që të aplikojnë në projektet që MBPZHR është duke i realizuar.
Në fjalën e saj, ministrja tha se për zhvillimin e sektorit të bujqësisë, na nevojitet një mobilizim i përgjithshëm në mënyrë që bashkërisht të japim kontributin tonë që kësaj pasurie që e kemi, t’ia kthejmë dinjitetin dhe pastaj ta vëmë në binaret e mirëfilltë të zhvillimit.
Ndërkaq, fermeri Zhivkoviq tha se është shumë i kënaqur me vizitën që sot ia bëri fermës së tij ministrja Zhiviç me bashkëpunëtorë dhe tha se vizita e tillë për neve është një përkrahje dhe motiv në punën e mëtutjeshme.
Ndryshe, Zhivkoviq kultivon 10 hektarë tokë bujqësore ku përvitshëm e mbjellë me drithëra të bardha, si grurë dhe misër, prej të cilave 4 hektarë i ka në pronësi të tij, ndërsa 6 hektarë tjerë i ka të marrë me qira. Gjithashtu, fermeri në fjalë posedon edhe fermën në të cilën mbanë edhe 15 krerë gjedhe.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara