Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-luftëtari i lirisë, tash zëvendësministr i Mjedisit dhe Planifikimit Hapësinor, Bashkim Musliu ka shkruar lidhur me fjalimin e ambasadorit të Zvicrës në Skenderaj i cili bëri bujë të madhe mediale. Ai thotë se ambasadori ka shpreh respekt për ushtarët e UÇK-së dhe nuk ka thënë asgjë që nuk është e vërtetë. “Isha i pranishëm ( i ftuar nga kryetari i komunës) në manifestimin ku u përurua ujësjellësi për disa fshatra. Me këtë rast foli edhe ambasadori i Zvicrës. Ai ka thënë edhe diçka që nuk po thuhet. Sa më kujtohet ai tha: I përshëndes, i nderoj (salute) ushtarët që kanë luftuar për lirinë e Kosovës. Fjala SALUTE ka të bëjë me një gjest ose veprim që tregon respekt dhe në radhë të parë lidhet me forcat e armatosura. Pra, ambasadori shfaqi respekt për ushtarët e Ushtrisë Çlirimtare të Kosovës. Pjesa tjetër e fjalimit është e njohur (Kosova ka para për të ndërtuar ujësjellës, por paratë po shkojnë për ata që nuk janë veteranë) A ka të drejtë një ambasador të flasë për çështje tona të brendshme është çështje në vete, por ai nuk tha asgjë të re. Atë që e tha ambasadori e dimë të gjithë. Të gjithë e dimë se listat e veteranëve janë tepër të fryra”, ka shkruar ai.
