MINISTRI BYTYQI PRITI NJË DELEGACION TË OSBE-SË NË KOSOVË

02/04/2019 Institucionet

Ministri i Arsimit, Shkencës dhe Teknologjisë (MAShT), Shyqiri Bytyqi, priti në takim Komisionerin e lartë për pakica nacionale, ambasadorin Lamberto Zannier, me të cilin bisedoi për çështje të rëndësishme që ndërlidhen me fushën e arsimit, përkatësisht edukimin e komuniteteve pakicë, gjuhët, kuotat dhe tema të tjera. Ministri Bytyqi, me këtë rast, shprehu falënderimin ndaj misionit të OSBE-së për angazhimin që ka bërë në Kosovë në fushën e arsimit, si një nga sektorët i cili ka një rol kyç në bashkimin e komuniteteve. Ministri Bytyqi premtoi bashkëpunim të vazhdueshëm edhe në të ardhmen, ndërkaq tha se Ministria e Arsimit është shembull i një bashkëpunimi të mirëfilltë sa i përket çështjes së edukimit të pakicave dhe të drejtave të tyre për qasje të barabartë në arsim. Ndërsa, ambasadori Lamberto Zannier tha se, OSBE i kushton rëndësi të veçantë bashkëpunimit në sektorin e arsimit në të gjitha shtetet, sidomos në shtetet multietnike. Zannier tha se shkollat të cilat ofrojnë qasje të barabartë për të gjithë, janë shembull për eliminimin e ndarjeve ndërmjet pakicave.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara