leoni

Ferizaj përmes masave mbrojtëse të Komunës, shmangu shkatërrimin masiv të pyjeve

03/04/2019 Institucionet

Mbrojtja e pyjeve nga prerësit ilegal është një nga prioritetet kryesore të qeverisjes lokale në Ferizaj. Dëshmi për këtë janë aksionet e shpeshta dhe monitorimi, kontrolli i vazhdueshëm që po i bëhet terrenit malor në territorin e Ferizajt. Me qëllim intensifikimin e bashkëpunimit në këtë drejtim, ditë më parë, drejtori i Drejtorisë së Bujqësisë dhe Pylltarisë, Burim Bajrami ka takuar drejtorin e Inspektoratit Qendror të Pylltarisë dhe Gjuetisë, Besim Zogu. Në këtë takim, drejtori Bajrami bëri të ditura të gjitha masat që janë ndërmarr nga qeverisja lokale e udhëhequr nga Kryetari i Komunës së Ferizajt, Agim Aliu si dhe efektin që kanë arritur këto masa në mbrojtjen e pyjeve. Për këtë, drejtori i Inspektoratit Qendror shprehu përgëzimet dhe vlerësimin për veprimet e ndërmarra në këtë drejtim nga Komuna e Ferizajt. Temë e diskutimit në këtë takim ishte intensifikimi i aksioneve të përbashkëta me qëllim parandalimin e prerësve ilegal si në tregun e drurëve ashtu edhe në rrugët pyjore e të gjuetisë. Drejtori i Bujqësisë dhe Pylltarisë, Burim Bajrami u shpreh i gatshëm t’i marr përsipër të gjitha obligimet nga niveli qendror në këtë drejtim, që terrenet malore të ruhen nga keqbërësit, kurse drejtori i Inspektoratit Qendror ofroi gjithë bashkëpunimin e nevojshëm që në pikëpamje lokale të realizohen aksione në dobi të kujdesit ndaj pyjeve.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara