Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i vendit, Hashim Thaçi, ka bërë homazhe te varrezat e dëshmorëve në Koshare dhe ka marrë pjesë në tubimin përkujtimor në kuadër të manifestimit tradicional “Ditët e Shqipes 2019” për nder të 20- vjetorit të Betejës së Koshares. Ai ka thënë se Beteja e Koshares ka hapur një kapitull të ri në atë kohë për Ushtrinë Çlirimtare të Kosovës, për lirinë, çlirimin dhe pavarësinë e Kosovës. Kryetari ka theksuar se sot kur shënohet 20-vjetori i Betejës së Koshares, në të njëjtën kohë kujtohen edhe masakrat që shteti i Serbisë ka kryer në Kosovë. Thaçi ka uruar edhe njëherë të gjithë të pranishmit për themelimin e Ushtrisë së Kosovës, e cila, sipas tij, do të funksionojë në gjithë territorin e Republikës së Kosovës. Duke u bazuar në kompetencat e tij kushtetuese, për kontributin patriotik dhe atdhetar të Brigadës 138 “Agim Ramadani”, Thaçi e ka dekoruar këtë brigadë me “Urdhrin e Lirisë” dhe nga sot të gjithë dëshmorët e kësaj brigade i ka shpallur heronj të Kosovës.
