Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Kosovës, Hashim Thaçi, ka marrë vendim që ish-pjesëtari i UÇK-së Shaban Viqa- Baci të nderohet me dekoratën më të lartë të shtetit, me urdhrin “Hero i Kosovës”, në shenjë nderimi për veprën e tij kushtuar lirisë dhe pavarësisë së Kosovës. Ai këtë e ka bërë të ditur sonte në Akademinë përkujtimore kushtuar veprimtarit të dalluar të çështjes kombëtare, Shaban Viqa-Baci, me rastin e dhjetëvjetorit të ndarjes së tij nga jeta. Thaçi tha se jeta dhe vepra e Shabanit është e pavdekshme. Me rastin e pranimit të titullit vajza e tij falënderoi kryetarin e vendit.
Gjenerali Kudusi Lame do të kthej në kujtesë disa pjesë të jetës së Shaban Viqa. Jam i lumtur që kam pas fatin të ndaj veprimtarinë time me Shabanin. Ai mbeti simbol i brezave që vijnë. Pa personalitete të tilla si Shabani me shokë ne sot nuk do ishim kështu. Lame para të pranishmëve dha porosinë që detyrat e atdheut dhe kombit nuk kanë përfunduar ende. Të shikojmë nga erdhëm dhe të dimë nga shkojmë, tha ai.
Një fjalë rasti e mbajti edhe kryetari i Ferizajt Agim Aliu i cili e vlerësoi lartë jetën dhe veprën Baccit në funksion të çështjes kombëtare.
Gjeneral Imri Ilazi evokoi kujtime të luftës me Shaban Viqën, e njoha Bacin në dite të vështira. Ai ishte i përgatitur për luftë sepse ishte kishte aktivitete të mëhershme. Shtëpia e tij u bë bazë e rëndësishme e UÇK-së. Ajo ishte ishte depo e armatimit që i sillnin nga vija kufitare se bashku më dëshmorin Agim Bajrami.
Nga UÇPMB-ja një fjalë rasti para të pranishmëve e tha Shaqir Shaqiri. Baci i dha kahun e duhur të zhvillimeve kombëtare, dhe luftës çlirimtare. UÇPMB-ja ishte një kushtrim i dytë për Bacin. Ai ishte pikë orientimi për luftëtarët. Ne do ta kujtojmë gjithmonë, tha ai.
Nga Ushtria Çlirimtare Kombëtare luftëtarin Shaban Viqa e kujtoi Ali Ahmeti. Ai tha se shtëpia e tij ishte depo e armëve. Ai do të kujtohet për jetë të jetëve.
Ne emër të familjes të pranishmit i përshëndeti vëllai Nazmi Viqa. Ai tha se sot është ditë e veçantë për ne. Atë e mori vdekja kur shumicën e punëve i kishte realizuar. Atij i mbeti peng Bashkimi Kombëtar. Ai ishte parimor dhe largpamës, theksoi ai.
