Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministri i Shtetit për Diasporën, Pandeli Majko, sot mori pjesë në ceremoninë e 20-vjetorit të “Batalionit të Atlantikut”. Në këtë përvjetor jubilar, ish-anëtarët dhe qytetarë të tjerë nga Kosova përshkruan të njëjtin rrugëtim si dy dekada më parë, kohë kur luftonin për lirinë e Kosovës. Majko në mënyrë simbolike i ka pritur sërish pjesëtarët e Batalionit dhe qytetarët e tjerë, në pikën kufitare të Kukësit, ashtu si dy dekada me parë, por tashmë në një Kosovë të lirë dhe të pavarur. Ai deklaroi se kufiri mes Kosovës dhe Shqipërisë vazhdon të jetë po ai i ish-Jugosllavisë dhe duhet punuar fort për ta shndërruar këtë kufi të shqiptarëve, duke nënkuptuar heqjen e barrierave kufitare “Kosova dhe Shqipëria ndihen më mirë, por ne duam të jetë më mirë. Jemi shqiptarë dhe dy kufij këtu. Është kufiri i ish-Jugosllavisë. Duhet ta bëjmë të Kosovës dhe Shqipërisë, i cili do të bëhet shumë shpejt”, deklaroi ai.
