Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Realiteti flet…
Shqiptarët e Luginës së Preshevës janë në gjendje të mjerueshme dhe si asnjëherë më parë që nga përfundimi i luftës nuk kemi pasur një humbje të kuptimit të politikës si tani.
Humbja e kuptimit të politikës është si pasojë e devijimit fundamental të të drejtave të shqiptarëve në Luginë të Preshevës.
Duhet ta theksojmë se aty ku politika e humb kuptimin e saj, gjendja do të jetë gjithnjë e pandryshueshme.
Problemi i Luginës së Preshevës është problem shumëdimensional.
Ai nuk është vetëm problem politik por njëkohësisht është edhe problem: historik, etnik, politik, gjeopolitik, gjeostrategjik, etj.
Si i tillë, ky problem kërkon të shtrohet në dimensione të tjera.
Të pretendosh zgjidhjen e problemit të Luginës së Preshevës në kuadër të të drejtave të njeriut, respektivisht, në kuadër të ligjit për pakica, do të thotë ta devijosh dhe në fund ta shkatërrosh thelbin e problemit.
Në këtë kuadër, duke e parë që subjektet politike shqiptare që veprojnë në Luginë të Preshevës, qoftë me, apo pa vetëdije, të gjithë kapacitetin e tyre e kanë orientua në atë, që të drejtat e shqiptarëve duhet zgjidhur në kuadër të ligjit për pakica, më bën të besoj se këto subjekte nuk e kanë as idenë dhe as kapacitetet e mjaftueshme për t’u përballur me sfidat që ky problem bart më vete.
Çështja e Luginës së Preshevës është çështje që duhet të adresohet në dimensionin gjeopolitik ndërkombëtare dhe jo si problem i brendshëm të një shteti, që në vehte është krijesë gjenocidale!
Ndaj, nuk duhet të joshemi që Lugina e Preshevës të trajtohet brenda kornizës së ligjit për pakica.
Si qytetarë autokton i kësaj Krahine, bëjë thirrje që ta ndryshojmë diskuskursin politik në favor të Perëndimit dhe jo në favor të Lindjes!
