leoni

Zëvendësministri Krasniqi vizitoi gratë fermere në tregun mobil në Prishtinë

18/04/2019 Institucionet

Në tregun mobil në Prishtinë, rreth tridhjetë gra fermere nga rajone të ndryshme të Kosovës produktet e tyre bujqësore po i promovojnë dhe shesin gjatë tri ditëve të javës. Gjatë ditës ato i ka vizituar zëvendësministri i Ministrisë së Bujqësisë, Mevludin Krasniqi, i cili i ka përgëzuar ato për punën e vazhdueshme që po e bëjnë në zhvillimin dhe avancimin e veprimtarive të tyre bujqësore. Ai me këtë rast, ka thënë se gratë fermerë do të jenë një prioritet për MBPZHR-në, duke rritur edhe mbështetjen çdo vit për përkrahjen dhe zhvillimin e veprimtarive të tyre bujqësore. Zëvendësministri Krasniqi ka theksuar se edhe këtë vit në kriteret për vlerësimin e projekteve, gratë fermere do të kenë përparësi, kjo me qëllim të stimulimit të tyre për t’u angazhuar në biznese të ndryshme në fushën e bujqësisë. Prodhimet e grave fermere, të cilat edhe janë përfituese në programet zhvillimore të MBPZHR-së,  konsumatorët mund t’i gjejnë në këtë treg mobil çdo ditë të martë në Sheshin “Zahir Pajaziti”, të mërkurën në Bulevardin “Bill Clinton”, si dhe të enjteve në Sheshin Adem Jashari” në Prishtinë.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara