Në Rahovec shënohet Dita Ndërkombëtare e Monumenteve

19/04/2019 Institucionet

Drejtoria për Kulturë Rini dhe Sport në komunën e Rahovecit, për nder të Ditës Ndërkombëtare të Monumenteve, bashkë me disa përfaqësues të Lidhja e Historianëve të Kosovës “Ali Hadri” dega Rahovec, kanë vizituar disa prej monumenteve të kulturës në komunën e Rahovecit. Bjondina Kleqka, drejtoreshë e Drejtorisë për Kulturës, Rini dhe Sport, së bashku me nxënës vizituam Kullën e Sahatit në Rahovec, Shtëpinë muze të Ukshin Hotit në Krushë të Madhe, si dhe kullën e Mahmut Pashës në Opterushë. Ky objekt që daton nga viti 1850 është me rëndësi për të kaluarën tonë, prandaj duhet të ruhet e konservohet. Nëse arrihet që të shndërrohet në muze etnografik, atëherë do të ishte një zgjidhje e përkryer dhe hartës tonë turistike do t’i shtohej edhe një objekt atraktiv. Drejtoresha Kleqka, shprehet se me drejtorin e DKA-së  Avni Morina dhe me aktorë të shfaqjes Forum Teatër që është mbajtur, vizituam edhe një objekt të vjetër fetar, Teqeja e Madhe e Tarikatit Alie-Halvetie e Baba Shejh Sylejmanit – Rahovec. “Është detyrë e autoriteteve komunale, atyre muzeore dhe gjithë qytetarëve që të bëjnë më shumë për mbledhjen dhe ruajtjen e trashëgimisë kulturore dhe të nxisim interesimin te të rinjtë tanë rreth kujdesit dhe rëndësisë ndaj trashëgimisë kulturore”, ka thënë ndër të tjera drejtoresha Kleqka.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara