Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryesuesja e Kuvendit të Komunës së Ferizajt, Kristina Gashi Bytyçi, paraditen e sotme ka mbajtur mbledhjen e Komitetit për Politikë e Financa.
Në këtë mbledhja është diskutuar për raportin vjetor të vitit 2018 të Këshillit Komunal për Siguri në Bashkësi, por edhe propozim-vendimi për miratimin e planit vjetor të punës së Këshillit Komunal për Siguri në Bashkësi (KKSB). Në pika të shkurtra është diskutuar edhe propozim-vendimi për plotësimin e ndryshimin e Rregullores për Dhënien e Dekoratave 01 Nr.27 të datës 31.03.2015.
Është diskutuar po ashtu edhe për propozim vendimin për miratimin e Draft Rregullores për përcaktimin e orarit të punës së veprimtarive afariste dhe veprimtarive tjera në territorin e Komunës së Ferizajt.
Në këtë mbledhje u diskutua edhe raporti financiar për periudhën janar-mars 2019, por u vendos që gjerë e gjatë të diskutohet në mbledhjen e Kuvendit të Komunës.
U diskutua po ashtu edhe propozim-vendim për anulimin e vendimit të KK-së 01 Nr. 22 të datës 28.02.2019, si dhe për raportin e punës për vitin 2018.
Mbledhja e Kuvendit të Komunës do të mbahet me datën 30 prill duke filluar nga ora 10:00.
