Policia dhe Komuna mbollën 20 drunj në disa hapësira në Malishevë

23/04/2019 Institucionet

Në bashkëpunim mes Policisë së Kosovës dhe Komunës së Malishevës, në kuadër të shënimit të Ditës së Tokës, në Malishevë janë mbjellë 20 drunj në disa hapësira. Simbolika e mbjelljes së 20 drunjve ka të bëjë me vitin e Policisë së Kosovës, pasi këtë vit mbushen 20 vite të formimit dhe funksionimit të policisë. Në këtë aktivitet simbolik, të shënimit të ditës së tokës dhe vitit të Policisë së Kosovës, morën pjesë, i pari i Komunës së Malishevës, Ragip Begaj, komandanti i Stacionit Policor në Malishevë, kapiteni Azem Krasniqi, deputeti i Kuvendit të Kosovës, Enver Hoti, drejtori i Shërbimeve Publike, Milazim Morina, kryetari i OVL të UÇK-së, në Malishevë, Metush Kryeziu, si dhe drejtor tjerë komunal dhe zyrtarë policor. Aksioni i mbjelljes së drunjve ka filluar në varrezat e dëshmorëve në Malishevë dhe ka vazhduar në oborrin e stacionit policor, pastaj në varrezat e martirëve në Dragobil, në oborrin e çerdhes për fëmijë në Malishevë dhe ka përfunduar me mbjelljen e drunjve në oborrin e Handikosit në Malishevë. Me këtë rast, Kryetari i Komunës së Malishevës, Ragip Begaj, ka bërë thirrje për ruajtje të tokës dhe të natyrës në përgjithësi, ndërsa i ka uruar edhe Policinë e Kosovës, pasi tashmë jemi në vitin jubilar të formimit.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara