Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Nënkryetari i Organizatës së Veteranëve të Luftës së Ushtrisë Çlirimtare të Kosovës, Nasim Haradinaj, ka publikuar një dokument që dëshmon për pagesën e pjesëtarëve të FARK-ut, të cilët kanë qenë pjesë e UÇK-së. Dokumenti është lëshuar gjatë kohës së luftës nga Qeveria e Kosovës në ekzil, saktësisht në mars të vitit 1999 dhe është nënshkruar nga Halil Bicaj, i cili në atë kohë drejtonte Ministrinë e Mbrojtjes së Qeverisë Bukoshi në ekzil. Sipas këtij dokumenti, paga më e lartë ka qenë 1,000 marka gjermane për eprorët dhe komandantët e brigadave, ndërsa paga më e ulët është 350 marka gjermane për pjesëtarët e personelit me shkollë të mesme. “Një dëshmi e thjeshtë!”, ka shkruar Haradinaj, duke publikuar urdhëresën e ministrit Bicaj, për lartësinë e pagesave sipas gradave ushtarake.
“Ushtarët” e FARK-ut, pjesa më e madhe e tyre nuk hynë fare në luftë, por qëndruan nëpër “kampet e luftës”: në Kukës, Bajram, Curr dhe pak përtej kufirit të Frontit të Koshares, në rrezen ku nuk arrinte arma artilerike e forcave serbe. Ata kishin themeluar edhe Brigadën, “Mërgimi” dhe nga atje bënin përpjekje ta drejtonin luftën me ushtarët e eprotët të cilët të kallaisur, të rruar e të parfymosur kishin hyrë firimtarë në Kosovës, pas çlirimit të saj. Andaj etiketimi si mercenar që u bëri ditë më parë kryetari i Kosovës, Hashim Thaçi disa krerëve të FARK-ut, duket se mbështetej në të dhënat që i ka publikura luftëtari Nasim Haradinaj. (RKL)
