Vjosa Osmani: Njerëzit në LDK duhet ta kenë lirinë të zgjedhin kënd të dëshirojnë për kryetar pa ndonjë frikë

Deputetja e Lidhjes Demokratike të Kosovës, Vjosa Osmani ka thënë se nuk duhet t’i shkojë në mendje dikujt që të përgatis një skenar si në zgjedhjet e kaluara për kryetar të partisë. Osmani ka thënë njerëzit në LDK duhet ta kenë lirinë të zgjedhin kënd të dëshirojnë pa ndonjë frikë. Ajo ka thënë se procedurat në LDK janë të tilla që 355 delegatët mund të marrin parasysh vullnetin e elektoratit ose jo, por sipas saj duhet të respektohet vullneti i lirë. Ish-kandidatja për kryetare të LDK-së në zgjedhjet e fundit, ka thënë se statuti i partisë i lejon çdo delegati të zgjedhur të kandidojë për kryetar. Osmani ka thënë se megjithatë ka shpresë se nuk ka vullnet te njerëzit në këtë parti që të bllokojnë kandidaturën e ndokujt në LDK.