Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kosova sot po shënon Ditën e Evropës, ani pse ende vazhdon të jetë vendi i vetëm në rajon pa liberalizim të vizave. Sot kur po shënohet kjo ditë, shefja e Zyrës së BE-së, në Kosovë, Nataliya Apostolova nuk ka dhënë një datë se kur mund të ndodh liberalizimi, derisa ka thënë se një ditë do të ndodh dhe kjo sipas saj është me rëndësi dhe jo viti konkret sepse mund të shtyhet derisa të mos arrihet një marrëveshje me Serbinë. Pavarësisht sa e duam shqiptarët Evropën, BE-ja ka planet dhe veta në këtë drejtim. E rezervuar në dhënien e afateve se kur mund të udhëtojnë shqiptarët e Kosovës pa viza ka qenë edhe ministrja e Integrimeve Evropiane, Dhurata Hoxha, e cila nga viti në vit ka premtuar liberalizmin ashtu si të gjithë autoritetet e vendit, të cilët edhe sot festojnë e urojnë Evropën për ditën e saj, pra ditën e ngadhënjimit mbi fashizmin, kur kishte kapitulluar Gjermania e Hitlerit dhe kishte shënuar fitorën vendimtare koalicionin botëror antifashist.
