Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Partia Social Demokrate, vlerëson se për një vjet të funksionimit ka arritur që të bëjë shumë punë në të mirë të vendit. Faton Topalli deputet i PSD-së, tha se nuk janë aspak “pishman”, që janë larguar nga Vetëvendosje, dhe sipas tij ato bëjnë konstatim të gjendjes, kurse PSD ofron zgjidhje konkrete. Topalli ka deklaruar se LDK-ja është shndërruar në bisht të LVV-së, dhe kjo sipas tij është shumë e çuditshme. Kërkesën për të çuar vendin në zgjedhje duke ditur që nuk janë votat, Topalli e ka quajtur lojë që nga fillimi, dhe padrejtësisht e kanë akuzuar PSD-në për këtë. Sipas tij janë LDK-ja dhe Vetëvendosje po i mundësojnë funksionimin e kësaj qeverie duke mos bërë projekte konkrete si opozitë për të kushtëzuar qeverinë. Topalli tha se shembull i punës së PSD-së është qeveria në Prishtinë dhe Dardanë, të cilat sipas tij janë model për komunat e tjera. Ai tha se PSD-ja padyshim që do të jetë parti parlamentare, dhe sondazhet që po bëhen sipas tij janë për shkak se PSD-së ia kanë frikën.
