Në Malishevë është mbajtur tryezë informuese, për të drejtën e qytetarëve për qasje në drejtësi dhe ndihmë juridike falas

10/05/2019 Institucionet

Në Malishevë është mbajtur tryezë diskutimi, (fushatë informuese), me theks të veçantë, për të drejtën e qytetarëve, për qasje në drejtësi dhe ndihmë juridike falas, e organizuar nga Agjencia për Ndihmë Juridike Falas me mbështetjen e programit të UNDP-së, dhe Ambasadës së Norvegjisë në Kosovë. E drejta e qytetarëve për qasjes në drejtësi dhe ndihmë juridike falas, është një e drejtë e cila është e garantuar me Kushtetutën e Republikës së Kosovës. Drejtori i Agjencisë për Ndihmë Juridike Falas, Ramadan Gashi, ka thënë: Agjencia për Ndihmë Juridike Falas, veprimtarinë e saj e ushtron si institucion i pavarur dhe ofron shërbimet juridike falas sipas ligjit për Agjencinë e Ndihmës Juridike Falas. Pra Agjencia për ndihmë juridike falas është përgjegjëse për sigurimin e ndihmës juridike, për të gjithë qytetarët e Republikës së Kosovës, në lëmit, Civile, penale, administrative dhe kundërvajtje, duke ju mundësuar qytetarëve qasje në drejtësi, sipas kritereve ligjore, përfundoi Gashi. Për këtë temë është diskutuar me synimin e promovimit të qasjes në drejtësi të qytetarëve në Komunën e Malishevës, identifikimin e sfidave dhe mangësive të mundshme të qasjes në drejtësi për qytetarët, si dhe identifikimin e mundësive për bashkëpunim midis institucioneve me rëndësi të nivelit lokal, për të avancuar qasjen në drejtësi të qytetarëve të Komunës së Malishevës. Zyra Mobile për ofrimin e shërbimeve juridike falas- në Malishevë, gjendet me lokacion në objektin e Qendrës për Punë dhe Mirëqenies -Sociale në Malishevë. Zyrtari nga zyra mobile për ndihmë juridike falas, ka paraqitur disa statistika në Komunën e Malishevës, për kërkesat e qytetarëve të cilët kanë kërkuar ndihmë juridike falas, një ndihmë e cila ju është mundësuar pa shpenzime financiare. Pjesëmarrësit ishin të kënaqur me diskutimin e kësaj teme dhe shprehën rëndësinë që  ka Agjencia për Ndihmë Juridike falas, tani edhe në Komunën e Malishevës ku do t’u  ju ofron qytetarëve, shërbime juridike falas, sipas Kushtetutës dhe ligjeve të Republikës së Kosovës.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara