Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ambasadori i Britanisë së Madhe në Kosovë Ruairi O’ Connell dhe ministri i Arsimit, Shyqiri Bytyçi vizitojnë shkollën fillore, “Faik Konica”. Kjo vizitë bëhet në kuadër të projektit të British Council “Shkollat e Shek. 21” i cili është një projekt ambicioz i financuar nga Qeveria e Mbretërisë së Bashkuar në fushën e arsimit, me qëllimin e rritjes së perspektivës në punësim duke i pajisur nxënësit me shkathtësi koduese duke përdorur pajisjen ‘microbit’, dhe përmirësimin e praktikave në klasë, dhe duke i trajnuar mësimdhënësit e të gjitha shkollave fillore në mendimin kritik dhe zgjidhjen e problemeve. Në Kosovë ky projekt implementohet në bashkëpunim të ngushtë me Ministrinë e Arsimit, kurse shkolla fillore, “Faik Konica” ka qenë njëra nga shkollat pjesëmarrëse në fazën e parë pilot të këtij projekti. Dy shkollat fituese nga Kosova në garën kombëtare në kodim me pajisjen micro:bit “Nazim Gafurri” dhe “Faik Konica” morën pjesë në garën rajonale të organizuar në kuadër të “Samitit Digjital në Beograd” me ç’rast shkolla “Faik Konica” fitoi vendin e dytë. Ambasadori Britanik Z. Ruairí O’Connell dhe Ministri i Arsimit Z. Shyqiri Bytyqi do të vizitojnë shkollën “Faik Konica” me qëllimin që t’i përgëzojnë nxënësit për suksesin e treguar.
Mediat e interesuara ftohen sot, me datën 14 maj me fillim në orën 11.00 në shkollën “Faik Konica”, kurse për më shumë informata ju lutemi kontaktoni [email protected]. ( Herëzë Sefaj )
