Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Vetëvendosjes, Albin Kurti, ka thënë se kërkesa për Tribunal Ndërkombëtar është dorëzim para krimit të Serbisë dhe kryekuvendari, Kadri Veseli nuk e ka hallin e Tribunalit, por po kërkon t’i kundërvihet Gjykatës Speciale. Kjo kërkesë vetëm sa i amniston prokurorët e Kosovës që paguhen nga buxheti i Shtetit e të cilët sa i përket krimeve të luftës, në rastin më të mirë, ishin pasivë. Kadri Veseli, nuk e ka hallin e Tribunalit që mungon, nuk e ka qëllimin për të sjellë drejtësi për viktimat tona dhe dënim për kriminelët serbë, sepse i pati 20 vjet për këtë punë teksa kishte në pronësi thasë me informacion që pohonte se ShIK-u ka arritur t’ia marrë Serbisë. Ai po orvatet t’i kundërvihet Gjykatës Speciale të cilën vetë këta e sollën më 3 gusht të vitit 2015, me trysni të paparë mbi deputetët e tyre, ka shkruar, Albin Kurti.
