Zivic: Sektori i shpezëtarisë do ta ketë mbështetjen e MBPZhR-së

24/05/2019 Institucionet

Ministrja e Bujqësisë, Pylltarisë dhe Zhvillimit Rural, Dijana Zivic e shoqëruar nga zëvendësministri Jeton Emini, kanë vizituar fermerin Gëzim Zeka, në Komunën e Ferizajt, ku kanë parë për së afërmi kushtet në të cilat e zhvillon veprimtarinë bujqësore ky fermer. Me këtë rast, ministrja Zivic, e ka njoftuar atë më hollësisht me Programin për Pagesa Direkte dhe me Programin për Bujqësi dhe Zhvillimin Rural të MBPZhR-së për këtë vit dhe i ka bërë thirrje që të aplikoj në këto programe, përmes të cilave do ta zgjerojnë përkrahjen për shumë sektor të bujqësisë, duke ndikuar kështu edhe në hapjen e vendeve të reja të punës. Ministrja Zivic, ka theksuar se nuk do të mungojë as mbështetja institucionale për të iu ofruar atyre mundësi edhe më të mëdha për zgjerimin e veprimtarive të tyre bujqësore përmes granteve investive. Në anën tjetër, fermeri Gëzim Zeka, i cili merret me sektorin e shpezëtarisë dhe në fermën e tij ka 2400 pula, ka treguar se zhvillimin e kësaj veprimtarie e ka zgjeruar nga viti në vit. Ai ka theksuar mbështetja për këtë sektor është e domosdoshme. Ndryshe, MBPZHR-ja gjatë kësaj jave ka hapur përudhen e aplikimit për projektet në bujqësi dhe zhvillim rural, me një fond prej rreth 20,500,000.00 euro.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara